2 nakakita paglabay kang Ellah

Tuesday, March 8, 2011
DUNAY duha ka mga saksi nga nakuha ang kapulisan nga giingong nakakita sa paglabay sa usa ka langyaw sa usa ka sako nga dunay sud nga gituohang ang sud mao ang lawas ni Ellah Joy Pique niadtong Pebrero 8 sa gabii sa Brgy. Sayaw, lungsod sa Barili.

Gawas niini, ang kapulisan nakakuha og hulagway sa mga suspek nga gituohang maoy responsabli sa pagdagit ug pagpatay sa 6 anyos nga bata atol sa ilang pagronda sa balay sa Barangay Inayagan, dakbayan sa Naga.

Kini maoy giluwatang pamahayag ni Sr. Supt. Patrocinio Comendador, tigpamaba sa Task Force, nga nagsubay sa kaso sa pagdagit ug pagpatay kang Pique.



Gibutyag ni Comendador nga ang ilang mga imbestigador sa Task Force didto sa lungsod sa Minglanilla niadtong miaging hapon.

Ang mga hulgagway ilang gipakita ang sa mga testigos nga ilang nahuptan aron ilhon kon kini ba ang mga responsible pagdagit kang Ellah Joy.

Apan ang mao nga mga hulagway ilang gitupad sa uban pang mga hulagway nga maoy naandan gyud nga procedure nga ilang gisunod sa pag-ila sa mga suspek.

Duna hinuoy initial nga resulta si Comendador apan nagdumili lang una siya sa paghatag og dugang detalye hangtod nga di makomplito ang pag-subscribe sa affidavit sa ilang mga testigong nahuptan.

Iyang giklaro nga duna silay mga testigos nga gihuptan nga ang mga testimoniya circumstantial, apan kining babaye lalake ug babaye nga nga testigos duol na sa pagka-eyewitness.

“Nahug tog eyewitness although naay gap just minutes or seconds prior to the kidnapping,” matod niya sa mga reporter.

“We have witnesses during the abduction, prior to the abduction just minutes before and after the abduction (of Ellah Joy Pique),” dugang ni Comendador.

Ang Task Force dunay duha ka menor de edad nga testigos ingon man tulo ka mga hamtong.

Sa report sa GMA-7 Balitang Bisdak, dunay duha ka mga testigos nga babaye ug lalake nga nakaduso sa ilang joint affidavit nga nitudlo sa hulagway sa langyaw ingon man sa sakyanan nga gigamit sa paglabay sa bata didto sa Barili.

Ang babaye nagbutyag nga gikan sila sa iyang higala nga nagtambong sa birthday party sa Mantayupan dihang nipauli sila agi sa lugar mga alas 11:40 sa gabii niadtong Pebrero 8.

Ilang nabantayan ang usa ka sakyanan nga nagdala sa plaka nga LHJ-382 nga hinay nga nagpadagan duol sa beach sa Sayaw.

Kalit nga nihunong ang sakyanan ug nanaog ang usa ka langyaw.

Duna kiniy gikuha nga karga sa sakyanan, apan nabantayan niini nga dunay nagsunod nilang sakyanan, wa kini mopadayon.

Dihang nadistansiya na sila og 50-70 metros ang gilay-on sa beach, iyang nakit-an ang langyaw nga dunay gikuha nga putos nga sama sa usa ka sako ug gitungtong sa ngilit sa pangpang, dayon gilabay ubos sa pangpang.

Hinuon gitiman-an niya ang plate number sa sakyanan ug pagka-ugma alas 8:00 sa buntag nibalik siya sa lugar ug iyang nahibaw-an nga didto gilabay ang lawas ni Ellah Joy.

Gipatik sa mantalaang SuperBalita Cebu Marso 09, 2011.